និយ័តករ​ទូរគមនាគមន៍​កម្ពុជា​ស្នើ​ក្រុមហ៊ុន​ផ្តល់​សេវា​ទូរស័ព្ទ​ចល័ត​លុបចោល​ស៊ីមកាត​គ្មាន​អត្តសញ្ញាណ​នៅ​ដើម​ខែ​កក្កដា

ក្រុមហ៊ុន​ទូរគមនាគមន៍​ដែល​ផ្តល់​សេវា​ទូរស័ព្ទ​ចល័ត​នៅ​កម្ពុជា​មាន​ពេល​ត្រឹម​ថ្ងៃទី​១ ​ខែ​កក្កដា​ ឆ្នាំ​២០១៨​ ក្នុង​ការ​​បិទ​ស៊ីម​កាត​ទូរស័ព្ទ​ចល័ត​ដែលគ្មាន​​ឯកសារ​សម្គាល់​អត្ត​សញ្ញាណ​អ្នកប្រើ​ប្រាស់​ បើមិនដូច្នេះទេ​ និយ័តករ​ទូរគមនាគមន៍​កម្ពុជា​​នឹង​ចាត់​វិធានការ​​ច្បាប់។​

អង្គភាព​រដ្ឋ​ដែល​គ្រប់គ្រង​ប្រព័ន្ធ​ទូរគមនាគមន៍​នៅ​កម្ពុជា​បាន​កំណត់​ពេល​មិន​ដល់​មួយ​សប្តាហ៍​ដល់​ក្រុមហ៊ុន​ទូរគមនាគមន៍​ទាំងអស់​ ឲ្យ​លុបចោល​ប្រតិបត្តិ​ការ​នៃ​ស៊ីមកាត​ទូរស័ព្ទ​ដែល​មិនមាន​ឯកសារ​បញ្ជាក់​ត្រឹមត្រូវ។ ​នេះ​បើ​យោង​តាម​សេចក្តី​ប្រកាស​ថ្មី​មួយ​របស់​និយ័តករ​ទូរគមនាគមន៍​កម្ពុជា​ដែល​បាន​ចេញ​ផ្សាយ​ជា​សាធារណៈ​នាដើម​សប្តាហ៍​នេះ។​

ការ​កំណត់​ឲ្យ​លុប​ចោល​ប្រតិបត្តិការ​ស៊ីមកាត​ដែល​មិនមាន​ឯកសារ​សម្គាល់​អត្ត​សញ្ញាណ​អ្នក​ប្រើ​ប្រាស់ ត្រឹម​ថ្ងៃ​ទី​១ ​ខែ​កក្កដា​ ឆ្នាំ​២០១៨​នេះ គឺ​ជា​ផ្នែក​មួយ​នៃ​ការ​អនុវត្ត​ឲ្យ​មាន​ប្រសិទ្ធ​ភាព​នៃ​បទ​បញ្ញត្តិ​ពីរ​ដាច់​ដោយ​ឡែក​ផ្សេង​ទៀត​ទាក់​ទិន​ការ​គ្រប់​គ្រង​ផ្សព្វ​ផ្សាយ​តាម​គេហ​ទំព័រ​ និង​បណ្តាញ​សង្គម​ ដែល​ដំណើរការ​ដោយ​ប្រព័ន្ធ​អ៊ីនធឺណិត​ក្នុង​ប្រទេស​ និង​ការ​ប្រើ​ប្រាស់​ស៊ីមកាត​ដែល​គ្មាន​ឯកសារ​សម្គាល់​អត្តសញ្ញាណ​អ្នក​ប្រើ​ប្រាស់។

សេចក្តី​ប្រកាស​របស់​អ្នក​នាំពាក្យ​និយ័តករ​ទូរគមនាគមន៍​កម្ពុជា​ចុះថ្ងៃ​ទី​២៦​ ខែ​មិថុនា​ ឆ្នាំ​២០១៨​ បាន​សរសេរ​តាម​ន័យ​ដើម​ថា៖

«ដើម្បី​សម្រេច​បាន​គោល​បំណង​ និង​គោលដៅ​នេះ​ និយ័តករ​ទូរ​គមនាគមន៍​កម្ពុជា​(ន.ទ.ក.)​ សូម​រំឭក​ដល់​បណ្តា​ប្រតិបត្តិករ​ទូរ​គមនាគមន៍ ​និង​បុគ្គល​ពាក់​ព័ន្ធ​វិស័យ​ទូរ​គមនាគមន៍​ទាំងអស់ ​មេត្តា​សហការ​អនុវត្ត​ការងារ​របស់​ខ្លួន​ស្រប​តាម​ខ្លឹម​សារ​នៃ​បទ​បញ្ញត្តិ​ទាំង​ពីរ​ខាង​លើ​នេះ ​ស្រប​តាម​ស្មារតី​ឯកភាព ​គាំ​ទ្រ​របស់​បណ្តា​ប្រតិ​បត្តិ​ករ ​និង​បុគ្គល​ពាក់​ព័ន្ធ​នឹង​វិស័យ​ទូរ​គមនាគមន៍»។​

 

អានបន្ថែម

Leave a Reply

Your email address will not be published. Required fields are marked *

Back to Top