ការបោះឆ្នោតប្រធានាធិបតីសហរដ្ឋអាមេរិកឆ្នាំ 2024 ដែលជាការបោះឆ្នោតជ្រើសរើសប្រធានាធិបតី ៤៧ ឆ្នាំទី ៦០ គ្រោងនឹងធ្វើឡើងនៅថ្ងៃអង្គារ ទី ៥ ខែវិច្ឆិកា ឆ្នាំ ២០២៤។ នេះជាការបោះឆ្នោតដែលបង្ហាញនូវភាព ស្មុគស្មាញនៃជម្រើស និងកង្វល់ក្នុងចំណោមមេដឹកនាំពិភពលោក និងប្រជាពលរដ្ឋ។ បើតាមរបាយការណ៍របស់ Datareportal ចេញកាលពីដើមឆ្នាំ២០២៤ ស្តីពីការយល់ពីឌីជីថលក្នុងឆ្នាំ២០២៤ របស់សហរដ្ឋអាមេរិក បានបង្ហាញថា បណ្តាញសង្គមដែលពលរដ្ឋអាមេរិកកំពុងប្រើប្រាស់ច្រើនជាងគេនោះគឺ ហ្វេសប៊ុក ដែលមានចំនួន ៧៥,៣% បន្ទាប់មក អ៊ីនស្តាក្រាម ៦៣,៩% និង ហ្វេសប៊ុក Messenger ៦១,៣%។ ដោយសារតែមានការចាប់អារម្មណ៍ពីការប្រើប្រាស់បណ្តាញសង្គមហ្វេសប៊ុកធ្វើយុទ្ធនាការបោះឆ្នោតរបស់សហរដ្ឋអាមេរិក និងដោយខ្ញុំបានធ្វើការសិក្សាពីរករណីនៃការប្រើប្រាស់ខម្មិន្តនៅលើហ្វេសប៊ុកកាលពីលើកមុន ខ្ញុំចង់ដឹងថាតើខម្មិន្តនៅលើទំព័រផ្លូវការរបស់បេក្ខជនគណបក្សទាំងសងខាងមានលក្ខណៈស្រដៀងទៅនឹងការសិក្សារបស់ខ្ញុំកន្លងទៅពី ទំព័រហ្វេសប៊ុក របស់ វិទ្យុអាស៊ីសេរី និង The Kanitha Show ដែរឬយ៉ាងណា។ វិធីសាស្ត្រនៃការសិក្សា ខ្ញុំស្វែងរក និងកំណត់នូវទំព័រហ្វេសប៊ុកផ្លូវការរបស់បេក្ខជនប្រធានាធិបតី គឺលោកស្រី កាម៉ាឡា ហារីស (Kamala Harris) និងលោក ដូណាល់ ត្រាំ…
