ក្រោយពេលដែលខ្ញុំបានផលិតមាតិកាវិដេអូស្តីពីការឆបោកអនឡាញដែលផ្សព្វផ្សាយនៅលើបណ្តាញសង្គមរបស់ខ្ញុំ មានបងប្អូនមួយចំនួនបានសាកសួរមកកាន់ខ្ញុំទាក់ទងទៅហ្នឹងការដាក់ពាក្យប្តឹង និងការស្វែងរកដំណោះនៅពេលដែលពួកគេទទួលបានការឆបោក និងចាញ់បោកគេនៅតាមបណ្ដាញសង្គម។ ការឆបោកទាំងនោះ សុទ្ធសឹងតែមានការខាតបង់ប្រាក់កាក់ ដែលធ្វើឲ្យពួកគាត់ជាជនរងគ្រោះ ស្វែងរកដំណោះស្រាយ ជាពិសេសគឺការទទួលបានប្រាក់ដែលបាត់បង់នោះមកវិញ។ ខាងក្រោមនេះ ខ្ញុំនឹងលើយកយន្តការនៃពាក្យបណ្ដឹង និងដំណោះស្រាយរបស់ស្ថាប័នហិរញ្ញវត្ថុនានា ដែលពួកគេបានផ្សព្វផ្សាយជាសាធារណៈនៅលើគេហទំព័ររបស់ខ្លួន ដើម្បីឲ្យអ្នកទាំងអស់គ្នាអាចធ្វើការស្វែងយល់បន្ថែមបាន។
អត្ថបទរបស់ខ្ញុំខាងក្រោមនេះ មានគោលបំណងចង់បង្ហាញប្រាប់ដល់អ្នកអានពីយន្តការបណ្ដឹង និងដំណោះស្រាយអតិថិជនដែលធនាគារមាន និងបានផ្សព្វផ្សាយជាសាធារណៈ។ អត្ថបទរបស់ខ្ញុំ មិនមានបំណងផ្តល់ការសន្សាណាមួយដល់អ្នកណាម្នាក់ក្នុងការទទួលបានមកវិញនូវប្រាក់កាសដែលបាត់បង់ត្រឡប់មកវិញនោះទេ។
យន្តការពាក្យបណ្ដឹង និងដំណោះស្រាយរបស់ធនាគារ
ខ្ញុំលើកយកនូវឈ្មោះធនាគារដែលបានដកស្រង់ចេញពីបញ្ជី ធនាគារពាណិជ្ជ និងធនាគារឯកទេស (ថ្ងៃទី៣០ ខែមិថុនា ឆ្នាំ២០២២) ដែលផ្សព្វផ្សាយនៅលើគេហទំព័ររបស់ធនាគារជាតិតែប៉ុណ្ណោះ។ ក្នុងបញ្ជីនេះ ខ្ញុំដកស្រង់យកតែធនាគាណាដែលបានផ្សព្វផ្សាយជាសាធារណៈនូវព័ត៌មាននិតិវិធីការដាក់ពាក្យបណ្តឹង និងដំណោះស្រាយរបស់អតិថិជន ជាភាសារខ្មែរលើគេហទំព័ររផ្លូវការរបស់ពួកគេតែប៉ុណ្ណោះ។ ធនាគារផ្សេងៗក្នុងបញ្ជីទាំងពីរនេះ ដែលខ្ញុំមិនបានបង្ហាញក្នុងតារាងខាងក្រោម មិនមែនមានន័យថា ធនាគារទាំងនោះមិនមានយន្តការដោះស្រាយពាក្យបណ្ដឹងរបស់អតិថិជននោះទេ ពោលគឺខ្ញុំមិនអាចស្វែងរកព័ត៌មានស្តីពីការដាក់ពាក្យបណ្ដឹង និងដំណោះស្រាយជាភាសាខ្មែរដែលពួកគេបានបង្ហាញនៅលើគេហទំព័រផ្លូវការរបស់ខ្លួនបាន។ ធនាគារភាគច្រើនតែងតែមាននូវអាស័យដ្ឋានទំនាក់ទំនង ដូចជាលេខទូរសព្ទ និងសារអេឡិចត្រូនិច(អ៉ីម៉ែល) ដែលអតិថិជនរបស់ខ្លួនអាចសាកសួរពីព័ត៌មានពាក្យបណ្ដឹង និងដំណោះស្រាយបាន។ បើសិនអ្នកទាំងអស់គ្នា រកឃើញនូវព័ត៌មានស្តីយន្តការពាក្យបណ្ដឹង និងដំណោះស្រាយរបស់ធនាគារផ្សេងទៀតដែលពួកគេបានផ្សព្វផ្សាយជាសាធារណៈ ហើយមិនមានក្នុងតារាងខាងក្រោមនេះ សូមជួយផ្ញើព័ត៌មាននោះមកកាន់ខ្ញុំ តាមប្រអប់សារ បណ្ដាញសង្គមហ្វេសប៊ុករបស់ខ្ញុំ www.facebook.com/MosesNgeth។
ម្យ៉ាងទៀត ធនាគារជាតិ ក៏បានចេញផ្សាយនូវសេចក្តីប្រកាសស្តីពី ការដោះស្រាយបណ្ដឹងអតិថិជនរបស់គ្រឹះស្ថានធនាគារ និងហិរញ្ញវត្ថុ កាលពីថ្ងៃទី២៧ ខែកញ្ញា ឆ្នាំ២០១៧ផងដែរ។ សេចក្តីប្រកាសនេះ មានគោលដៅលើកកម្ពស់កិច្ចការពារអតិថិជនដើម្បីការពារសិទ្ធិ និងផលប្រយោជន៍របស់អតិថិជនចំពោះការប្រើប្រាស់ផលិតផល និងសេវារបស់គ្រឹះស្ថាន តាមរយៈការដោះស្រាយបណ្ដឹងឲ្យបានសមស្រប និងមានប្រសិទ្ធភាព។
ខាងក្រោមនេះ គឺជាបញ្ជីនៃធនាគារពាណិជ្ជ និងធនាគារឯកទេសដែលខ្ញុំបានដកស្រង់៖
ធនាគារពាណិជ្ជ
| ឈ្មោះស្ថាប័ន | ព័ត៌មានស្ដីពីបណ្ដឹង | តំណរភ្ជាប់ដែសាធារណជនអាចទៅស្វែងរកបាន |
|---|---|---|
| ធនាគារ អេស៊ីលីដា ភីអិលស៊ី | ពាក្យបណ្តឹងត្អូញត្អែរ (បម្រើជូនចាប់ពីម៉ោង ៧:៣០ ដល់ម៉ោង ១៦:៣០ រៀងរាល់ថ្ងៃធ្វើការ) ទូរស័ព្ទ ៖ ០១៥ ៨៨៨ ៦៥៤ អ៊ីម៉ែល ៖ [email protected] ការិយាល័យទំនាក់ទំនងអតិថិជន (បម្រើជូន២៤ម៉ោង) ទូរស័ព្ទ ៖ ០២៣ ៩៩៤ ៤៤៤, ០១៥ ៩៩៩ ២៣៣ អ៊ីម៉ែល ៖ [email protected] ឬអញ្ជើញមកកាន់សាខារបស់ធនាគារ អេស៊ីលីដា ភីអិលស៊ី ដែលនៅជិតលោកអ្នកបំផុត ដើម្បីឱ្យយើងខ្ញុំដោះស្រាយបញ្ហាជូនលោកអ្នក ។ បំពេញព័ត៌មាននៅក្នុងទម្រង់បណ្តឹងត្អូញត្អែររបស់អតិថិជន ខាងក្រោម ។ | https://www.acledabank.com.kh/kh/khm/cu_complaintform |
| ធនាគារពាណិជ្ជកម្មក្រៅប្រទេស នៃកម្ពុជា (FTB) | ធនាគារ FTB បានដាក់បញ្ជូលនូវបណ្ដឹងអតិថិជនក្នុង ទម្រង់បញ្ចេញមតិរបស់ខ្លួន។ អតិថិជនរបស់ធនាគារ ដែលមានបណ្ដឹង អាចចូលទៅកាន់ ទម្រង់បញ្ចេញមតិ -> ប្រភេទមតិយោបល់ -> បណ្ដឹង។ | https://ftbbank.com/km/contact/feedback-form/ |
| ធនាគារ ជេ ត្រាស់ រ៉ូយាល់ | ធនាការ J Trust Royal Bank បានបង្ហាញនូវនិតិវិធីដំណោះស្រាយបណ្តឹងរបស់អថិជននៅក្នុង គេហទំព័រ ផ្នែកមតិយោបល់។ អតិថិនចូលទៅកាន់ ទំព័រមតិយោបល់ រួចរំកិលបន្ទាត់ចុះទៅខាងក្រោម នឹងឃើញមានដំណើរការនិតវិធីពាក្យបណ្ដឹង។ | https://jtrustroyal.com/kh/contact-us/feedback/ |
| ធនាគារ ABA | ក្នុងករណីដែលបណ្តឹងផ្លូវការត្រូវបានដាក់មកកាន់ផ្នែកដោះស្រាយបណ្តឹង និងវិវាទ នោះបណ្តឹងនឹងត្រូវគ្រប់គ្រងដោយផ្នែកដោះស្រាយបណ្តឹង និងវិវាទ ដែលផ្តល់នូវការស៊ើបអង្កេតប្រកបដោយយុត្តិធម៌, ឥតលម្អៀង, និងជាក់ស្ដែងលើបណ្តឹងទាំងអស់។ | https://www.ababank.com/km/complaint/ |
| ធនាគារឌីជីប៊ី (DGB) | នីតិវិធីក្នុងការដោះស្រាយបណ្ដឹងអតិថិជន ដើម្បីដោះស្រាយបណ្តឹងរបស់អតិថិជន ធនាគារ ឌីជីប៊ី សូមផ្តល់ជូនពីនីតិវិធី ដូចតទៅ៖ នីតិវិធីនេះ ត្រូវបានដាក់ផ្សព្វផ្សាយនៅក្នុងគេហទំព័រ របស់ធនាគារ (“www.dgbcambodia.com”) នៅតាមបពា្ជរ និងបន្ទប់ទទួលអតិថិជននៃសាខានីមួយៗរបស់ធនាគារ ឌីជីប៊ី ។ នីតិវិធីនៃការទទួលបណ្តឹង: អតិថិជនទាំងអស់អាចធ្វើការប្តឹង មកកាន់ធនាគារ នូវផលិតផល និងសេវាកម្មរបស់ធនាគារ តាមរយ:លេខទូរសព្ទបន្ទាន់ (Hot Line) ឬមកកាន់សាខាធនាគារ ឌីជីប៊ី ដែលនៅជិត | https://www.dgbcambodia.com/procedure-of-client-complaint-settlement/?lang=km |
| ធនាគារ PPCBank (Phnom Penh Comercial Bank) | ធនាគារ PPCBank បានបង្ហាញពីរបៀបដាក់ពាក្យបណ្តឹង និងការដាក់ពាក្យបណ្ដឹងតាមអនឡាញ តើលោកអ្នកអាចដាក់ពាក្យបណ្ដឹងបានតាមរបៀបណា 1. ទាក់ទងមកទូរសព្ទលេខ៖ ០២៣ ៩០៩ ៨៧១ 2. តាមរយៈអ៊ីម៉ែល: [email protected] (“ដោយបំពេញ ទម្រង់បណ្ដឹង”)នេះ 3. ជួបពិភាក្សាដោយផ្ទាល់ជាមួយបុគ្គលិកយើងខ្ញុំនៅតាមសាខាដែលនៅជិតលោកអ្នកបំផុត 4. បំពេញ ទម្រង់បណ្ដឹង នេះរួចផ្ដល់ជូនទៅតាមសាខាដែលនៅជិតលោកអ្នកបំផុត 5. តាមរយៈអនឡាញ ដោយចូលទៅកាន់គេហទំព័រ: (សូមចុចលើប៉ូតុងខាងលើ “ដាក់ពាក្យបណ្តឹងអនឡាញ”) ***កំណត់សម្គាល់៖ រៀងរាល់ថ្ងៃធ្វើការ (ច័ន្ទ – សុក្រ) ចាប់ពីម៉ោង ០៨៖០០ នាទីព្រឹកដល់ ០៤៖០០រសៀល | https://www.ppcbank.com.kh/km/complaint/ |
| ធនាគារ Prince | ធនាគារ Prince បានបង្ហាញពីលិខិតបណ្ដឹងតវ៉ា និងសេចក្តីណែនាំពីបណ្ដឹងតវ៉ានេះ នៅលើគេហទំព័ររបស់ខ្លួន ក្នុងផ្នែកទម្រង់ពាក្យបណ្ដឹង។ | https://www.princebank.com.kh/page-complain |
| ធនាគារ ស៊ីអាយអិមប៊ី (CIMB) | ធនាគារ ស៊ីអាយអិមប៊ី ភីអិលស៊ី សូមជម្រាបជូនដំណឹងដល់អតិថិជនទាំងអស់ អំពីការប្តេជ្ញាចិត្តរបស់ធនាគារ ក្នុងការអនុវត្តបទប្បញ្ញត្តិឲ្យខ្ជាប់ខ្ជួន ដែលបានចែងដោយធនាគារជាតិ នៃ កម្ពុជា (ប្រកាសលេខ ធ7.017.299 ប្រ.ក)។ ពាក្យបណ្តឹងត្រូវដាក់ស្នើ ក្នុងរយៈពេល 60 ថ្ងៃ គិតចាប់ពីថ្ងៃដែលបញ្ហាត្រូវបានកំណត់អត្តសញ្ញាណ ពាក្យបណ្តឹងផ្ទាល់មាត់នឹងត្រូវបានដោះស្រាយក្នុងរយៈពេល 2 ថ្ងៃនៃថ្ងៃធ្វើការ។ ពាក្យបណ្តឹងជាលាយលក្ខណ៍អក្សរ នឹងតម្រូវឲ្យអនុវត្ត ប្រសិនបើពាក្យបណ្តឹងផ្ទាល់មាត់មិនអាចត្រូវបានដោះស្រាយ ក្នុងរយៈពេល 2 ថ្ងៃនៃថ្ងៃធ្វើការ លទ្ធផលបណ្ដឹងនឹងត្រូវបានជូនដំណឹងក្នុងរយៈពេល 30 ថ្ងៃ គិតចាប់ពីថ្ងៃដែលទទួលពាក្យបណ្តឹង អតិថិជន និង/ឬ ធនាគារអាចបន្តការដាក់ពាក្យបណ្តឹង ដោយផ្ញើរជូននូវច្បាប់ចម្លងរបស់ពាក្យបណ្តឹង និងលទ្ធផល ជាលាយលក្ខណ៍អក្សរ ទៅកាន់ធនាគារជាតិ នៃ កម្ពុជា ក្នុងរយៈពេល 30 ថ្ងៃ គិតចាប់ពីកាលបរិច្ឆេទនៃការជូនដំណឹង អំពីលទ្ធផលនៃដំណោះស្រាយពាក្យបណ្ដឹង ប្រសិនបើអតិថិជនមិនពេញចិត្តនឹងលទ្ធផល។ ផ្នែកបម្រើសេវាអតិថិជន៖ +៨៥៥ ២៣ ៩៨៨ ៣៨៨ អុីមែលផ្នែកបម្រើសេវាអតិថិជន៖ [email protected] | https://www.cimbbank.com.kh/kh/business/important-notices/2020/complaint-handling-prakas.html |
| ធនាគារ ហ្វីលីព (Phillip Bank) | ធនាគារ ហ្វីលីព បានបង្ហាញនូវទម្រង់បែបបទផ្តល់យោបល់ ជា QR Code។ នៅក្នុងទម្រង់នេះ គឺមានជម្រើសពាក្យបណ្ដឹង។ អតិថិជន ត្រូវចូលទៅកាន់ ទម្រង់បែបបទផ្តល់យោបល់ រួចហើយ scan QR Code នោះទម្រង់ជា Google Form នឹងបង្ហាញឡើង។ បន្ទាប់មក ចូលទៅពិនិត្យមើល ត្រង់ប្រភេទមតិបយោបល់ ជ្រើសរើសយក បណ្ដឹង។ | https://www.phillipbank.com.kh/kh/pages/contact-us/feedback-form-2 |
ធនាគារឯកទេស
| ឈ្មោះស្ថាប័ន | ព័ត៌មានស្ដីពីបណ្ដឹង | តំណរភ្ជាប់ដែសាធារណជនអាចទៅស្វែងរកបាន |
|---|---|---|
| ធនាគារឯកទេស អ៉ីអន (ខេមបូឌា) | បណ្តាញសម្រាប់ដាក់បណ្តឹង ម៉ោងដំណើរការ៖ ថ្ងៃច័ន្ទ ដល់ ថ្ងៃអាទិត្យ (០៨:០០ព្រឹក – ០៨:០០ល្ងាច) បណ្តាញទាន់ហេតុការណ៍៖ ០២៣ ៩៨៨ ៥៥៥ | ០៧៨ ៩៨៨ ៥៥៥ | ០៧០ ៩៨៨ ៥៥៥ អ៉ីម៉ែល៖ [email protected] ហ្វេសប៊ុក៖ www.facebook.com/aeonbank.kh គេហទំព័រ៖ www.aeon.com.kh អញ្ជើញទៅកាន់សាខារបស់ធនាគារឯកទេស អ៉ីអន (ខេមបូឌា) ភីអិលស៊ី ដែលនៅជិតលោកអ្នកបំផុត និង/ឬ ដាក់ពាក្យបណ្តឹងរបស់លោកអ្នកនៅក្នុងប្រអប់ផ្តល់យោបល់ដែលមានស្រាប់នៅតាមសាខា ដែលលោកអ្នកអញ្ជើញទៅនោះ ។ | https://www.aeon.com.kh/kh/contact-us/#Complaints |
| ធនាគារឯកទេស ខេប៊ី ដេហាន (KDSB) | ធនាគារឯកទេស ខេប៊ី ដេហាន បានបង្ហាញនូវដំណើរការនៃការដាក់ពាក្យបណ្ដឹងរបស់អតិថិជន និងទម្រង់នៃពាក្យបណ្ដឹងនៅលើគេហទំព័ររបស់ខ្លួន ក្នុងផ្នែក ទំនាក់ទនង -> ពាក្យបណ្ដឹង | https://kdsb.com.kh/contact#/complaint |
តំណរភ្ជាប់ និងព័ត៌មានក្នុងតារាងខាងលើរបស់ធនាគារដែលបានបង្ហាញ គឺត្រូវបានត្រួតពិនិត្យថាមានដំណើរការអាចបើកមើលបាន (accessible) គិតត្រឹមថ្ងៃដែលអត្ថបទនេះបានបង្ហោះ។ ខ្ញុំមិនអាចដឹងបានទេ ថាអាចនឹងមានការកែប្រែនៅថ្ងៃអនាគតនៅលើព័ត៌មាន ឬតំណរភ្ជាប់របស់ធនាការដែលបានបង្ហាញនេះ។
ខ្ញុំសង្ឃឹមថា អត្ថបទរបស់ខ្ញុំនេះ អាចជួយដល់អ្នកណាម្នាក់ដែលកំពុងស្វែងរកនូវដំណោះស្រាយដូចបានរៀបរាប់ខាងលើ។